ნინოწმინდის მუნიციპალიტეტის სოფელ განძაში ცნობილი სომეხი პოეტის ვაჰან ტერიანის პოეზიისა და მისი სახლ- მუზეუმის დაარსებიდან 60 წლისთავისადმი მიძღვნილი სახალხო დღესასწაული იზეიმეს.
როგორც ნინოწმინდის მუნიციპალიტეტში აცხადებენ, მეგობრული განწყობით სავსე ღონისძიებას საქართველოს სხვადასხვა მუნიციპალიტეტებიდან ჩამოსული სტუმრები, საქართველოსა და სომხეთის ,,მწერალთა კავშირის'' წარმომადგენლები, საზოგადო მოღვაწეები, პოეტები, მწერლები, ნინოწმინდა - ახალქალაქის მაჟორიტარი დეპუტატი ჰენზელ მკოიანი, პარლამენტის წევრები, მათ შორის სომხეთის ,,ნაციონალური კრების " წარმომადგენლები, საჯარო სკოლების დელეგაციები თბილისიდან და ერევნიდან, ასევე გამგეობისა და საკრებულოს ხელმძღვანელები ესწრებოდნენ.
სახალხო დღესასწაულის ფარგლებში გაიმართა კონცერტი ნინოწმინდის ,,რაფაელ - ჯავახქ "ცენტრის, , წალკისა და საქართველოს სხვა მუნიციპალიტეტების კულტურის ცენტრებთან არსებული ფოლკლორული და ქორეოგრაფიული ანსამბლების, ქალაქ ერვნის ,,ტერიანის" სახელობის კულტურული ცენტრის წარმომადგენლების, ცნობილი მომღერლების, სახალხო მთქმელების მონაწილეობით.