ნინოწმინდის მუნიციპალიტეტის გამგებელმა გაგიკ კარსლიანმა გამგეობის ინფრასტრუქტურის, სივრცითი

მოწყობის, არქიტექტურისა და მშენებლობის სამსახურის უფროსთან და მუნიციპალიტეტის ადმინისტრაციულ ერთეულებში გამგებლის წარმომადგენლებთან სამუშაო შეხვედრა გამართა.

ნინოწმინდის გამგეობის პრესსამსახურის ინფორმაციით, შეხვედრაზე ნარჩენების მართვის კოდექსის მე -10 თავის ,,ადმინისტრაციული სამართალდარღვევის და საქმის წარმოების " საფუძველზე მუნიციპალიტეტის სოფლებში სანაგვე ადგილების დადგენის, ცენტრალურ ტრასებთან ახლოს მდებარე ტერიტორიაზე მუნიციპალური ნარჩენებით გარემოს დანაგვიანებაზე კონტროლის დამყარებასა და საჯარიმო სანქციებზე ისაუბრეს.
აღნიშნული სამუშაოების განსახორციელებლად ადგილობრივი ბიუჯეტიდან გამოყოფილია 20 ათასი ლარი.