ნაძალადევის მაჟორიტარის მიხეილ ყაველაშვილის განცხადებით, თბილისის მუნიციპალიტეტის მიერ შემოთავაზებული სატრანსპორტო პოლიტიკა კიდევ ერთი წინ გადადგმული ნაბიჯი იქნება ქალაქის საცობებისაგან განტვირთვისათვის, საზოგადოებრივი ტრანსპორტის მომსახურის დონის ამაღლებისა და ფეხით მოსიარულეთა უსაფრთხო გადაადგილებისათვის.

მისივე თქმით, ყველა ეს ცვლილება ხელს შეუწყობს მოქალაქეებისასთვის ქალაქში გადაადგილების დროს შექმნილი დისკომფორტის აღმოფხვრას.

„წარმოდგენილი ინიციატივა გულისხმობს დასუფთავების მანქანების სპეციალური გრაფიკით მოძრაობას, მიკროავტობუსების გაჩერების წესის რეგულაციას, სადისტრიბუციაო და სამშენებლო ტრანსპორტზე სპეც, რეჟიმების განსაზღვრას. გარდა ამისა იგეგმება ტრანზიტული მოძრაობის დარღვევისთვის დაწესებული ჯარიმის 500 ლარამდე გაზრდა. რაც უმეტეს შემთხვევაში უგულებელყოფილი იყო შესაბამისი დარღვევისათვის მოქმედი მცირე ჯარიმის გამო.

მისასალმებელია მეტროს რეაბილიტაციის პროექტი. მე, როგორც მაჟორიტარ დეპუტატს, მოქალაქეები ხშირად მთხოვდნენ სათანადო ყურადღება დაგვეთმო საზოგადოებრივი ტრანსპორტის მომსახურების გაუმჯობესებისათვის, ავტობუსების პარკის განახლებისა და მეტრო სადგურების რეაბილიტაციისათვის, რაც წარმოდგენილ ინიციატივაში გათვალისწინებულია.

ქალაქის სატრანსპორტო პოლიტიკაში ასევე გათვალისწინებულია მუნაციპალიტეტში მოძრავი ტაქსების მომსახურების ხარისხის გაუმჯობესება და ეტაპობრივად გარკვეული სტანდარტების დამკვიდრება, მუშავდება რეგულაციები, რომ მუნიციპალიტეტმა გასცეს ტაქსის სერვისის განხორციელების ნებართვა.

ყველა ეს ცვლილება ხელს შეუწყობს მოქალაქეებისასთვის ქალაქში გადაადგილების დროს შექმნილი დისკომფორტის აღმოფხვრას. მეტად ეფექტურს გახდის შესაბამის მუნიციპალურ სამსახურებს, რათა უზრუნველყონ მგზავრებისათვის ხარისხიანი სერვისის მიწოდება და უსაფრთხო მგზავრობა“-განაცხადა ყაველაშვილმა.