საქართველოს მთავრობის მეთაური აქართველოს ნავთობის საერთაშორისო კორპორაციის პირველი ხელმძღვანელისა და აზერბაიჯანის რესპუბლიკაში საქართველოს პირველი ელჩის გიორგი ჭანტურიას გარდაცვალების გამო მწუხარებას გამოვთქვამს.

როგორც გიორგი კვირიკაშვილის სამძიმრის წერილშია აღნიშნული, მას განსაკუთრებული წვლილი აქვს შეტანილი სტრატეგიული გეოპოლიტიკური მნიშვნელობის ბაქო-თბილისი-ჯეიჰანის ნავთობსადენისა და ბაქო-თბილისი-ერზერუმის გაზსადენის პროექტების განხორციელების საქმეში.

“დიდ მწუხარებას გამოვთქვამ გიორგი ჭანტურიას გარდაცვალების გამო.
ბატონი გია დიდი გამოცდილების მქონე, ნამდვილი პროფესიონალი იყო, რომელიც ყოველთვის აქტიურად იყო ჩართული ქვეყანაში მიმდინარე პროცესებში. მას განსაკუთრებული წვლილი აქვს შეტანილი სტრატეგიული გეოპოლიტიკური მნიშვნელობის ბაქო-თბილისი-ჯეიჰანის ნავთობსადენისა და ბაქო-თბილისი-ერზერუმის გაზსადენის პროექტების განხორციელების საქმეში.
გულწრფელ თანაგრძნობას ვუცხადებ გიორგი ჭანტურიას ოჯახსა და ახლობლებს”-ნათქვამია სამძიმრის წერილში.