გარემოს დაცვისა და სოფლის მეურნეობის სამინისტროს დაქვემდებარებულმა ლაბორატორიამ, მომხმარებელთა მოთხოვნის საფუძველზე, „დაუსვი კითხვები ლაბორატორიის სპეციალისტს“ ახალი რუბრიკა დანერგა.

ამიერიდან, ლაბორატორიის სპეციალისტები ყოველკვირეულად სოციალურ ქსელში ჩაერთვებიან და ხშირად დასმულ შეკითხვებს პირდაპირი ეთერის მეშვეობით უპასუხებენ.

ამასთან, როგორც სოფლის მეურნეობის სამინისტროში განმარტავენ, მოქალაქეებს შესაძლებლობა ექნებათ მათთვის აქტუალურ დაავადებებზე კითხვა-პასუხის რეჟიმში ლაბორატორიის სპეციალისტებისაგან ამომწურავი და პრაქტიკული ინფორმაცია მიიღონ.

როგორც უწყებაში აცხადებენ, ლაბორატორია საერთაშორისო სტანდარტის მიხედვით სამი მიმართულებით მუშაობს და მოიცავს ცხოველთა და მცენარეთა სადიაგნოსტიკო და სურსათის კვლევის ლაბორატორიებს. შესაბამისად, ეტაპობრივად მომხმარებელთა შეკითხვებს უპასუხებენ მაღალკვალიფიციური ვეტერინარები, ფიტოსანიტრები და სურსათის უვნებლობის სპეციალისტები.

დაინტერესების შემთხვევაში, შეკითხვები უნდა გააგზავნოთ ლაბორატორიის ელექტრონულ მისამართზე : lmacontact@lma.gov.ge , ან ლაბორატორიის ოფიციალურ გვერდზე, სოციალური ქსელის მეშვეობით, - FB: სსიპ საქართველოს სოფლის მეურნეობის სამინისტროს ლაბორატორია/LMA.

ყოველი კვირის დასაწყისში, სოციალური ქსელის მეშვეობით დაიდება დეტალური ინფორმაცია, როდის და რომელ საათზე ჩაერთვებიან ლაბორატორიის სპეციალისტები.