ქობულეთში სადღესასწაულო ღონისძიებების ფარგლებში მთელი დღის განმავლობაში სხვადასხვა აქტივობა და ღონისძიება იმართებოდა. პარალელურად, ცენტრალურ მოედანზე საახალწლო გამოფენა-გაყიდვა მიმდინარეობს.

ცენტრალურ მოედანზე გამართულ ღონისძიებებს აჭარის მთავრობის თავმჯდომარე ზურაბ პატარაძე მეუღლესთან ერთად შეუერთდა და ჩურჩხელისა და გოზინაყის დამზადებაში მიიღო მონაწილეობა. აჭარის მთავრობის თავმჯდომარესთან ერთად, ასევე, იმყოფებოდნენ ქობულეთის მერი მირიან ქათამაძე და მუნიციპალიტეტის ხელმძღვანელი პირები. ზურაბ პატარაძემ მოედანზე შეკრებილ ქობულეთელებს დამდეგი შობა-ახალი წელი მიულოცა და მომავალ, 2018 წელს მშვიდობა და წარმატებები უსურვა.

ქობულეთის მერიის მიერ ორგანიზებული სადღესასწაულო ღონისძიებების ფარგლებში მოეწყობა კონკურსები, ვორქ-შოფები და ფლეშ-მობები. ღამის 12 საათიდან კი, ღია ცის ქვეშ ქართველი ვარვსკვლავების მონაწილეობით გალა კონცერტი გაიმართება, რომელიც გვიან ღამემდე გაგრძელდება.