სასტუმრო „რედისონ ბლუ ივერიაში“ დღეს კერძო უმაღლესი სასწავლებლების ასოციაციასა და ზოგადსაგანმანათლებლო სკოლებს შორის ურთიერთთანამშრომლობის მემორანდუმის ხელმოწერის ცერემონია გაიმართება.

განათლების სამინისტროს ინფორმაციით, მემორანდუმის მიზანია საშუალო და ასოციაციის დამფუძნებელ უმაღლეს სასწავლებლებს შორის (საქართველოს უნივერსიტეტი, ქართულ-ამერიკული უნივერსიტეტი, გრიგოლ რობაქიძის უნივერსიტეტი) მჭიდრო და გრძელვადიანი ურთიერთობის დამყარება.

ღონისძიების საპატიო სტუმრები იქნებიან საქართველოს განათლებისა და მეცნიერების მინისტრის მოადგილე - ლია გიგაური .

შეხვედრაზე წარმოდგენილნი იქნებიან დირექტორები ორმოცი სკოლიდან (თბილისი, ქუთაისი, ბათუმი, რუსთავი და წყალტუბო).