ხულოს მუნიციპალიტეტის მერმა გოჩა მელაძემ, პირველ მოადგილე ლაშა ბოლქვაძესთან ერთად, ევროკავშირის მიერ მხარდაჭერილი პროექტის „სოფლის განვითარებისა და დივერსიფიკაციის ხელშეწყობა ხულოს მუნიციპალიტეტში“ ადგილობრივ ჯგუფთან და ხორვატ ექსპერტებთან ივანა ლაგინიასთან და მარინა კოპრივინიაკთან შეხვედრა გამართა.
შეხვედრაზე მხარეებმა პროექტის მნიშვნელობაზე, სოფლის განვითარების პრიორიტეტებსა და ხულოს მუნიციპალიტეტში სხვადასხვა სექტორის განვითარების პოტენციალზე ისაუბრეს. დისკუსიისას ყურადღება გამახვილდა ქალბატონებისა და ახალგაზრდების ჩართულობის მნიშვნელობაზე სოფლის განვითარების საქმეში. შეხვედრამ ნაყოფიერად ჩაიარა და მხარეები მჭიდრო სამომავლო თანამშრომლობაზე შეთანხმდნენ.

აღნიშნულ პროექტს ჩეხეთის რესპუბლიკის კარიტასი (CCRG) „სოფლისა და სოფლის მეურნეობის განვითარების ევროპის სამეზობლო პროგრამის (ENPARD)“ ფარგლებში ახორციელებს.