პრეზიდენტის რეზიდენციასთან პარტია „მომავალი საქართველოს“ ორგანიზებით, დევნილებისა და ე.წ. „ატსტუპნიკების“ საპროტესტო აქცია მიმდინარეობს.
ამ წუთებში „მომავალი საქართველოს“ ლიდერი გიორგი ლაღიძე, აქციის რამდნეიმე მონაწილესთან ერთად, ადმინისტრაციის წარმომადგენლებთან შესახვედრად პრეზიდენტის სასახლეში შევიდა.
როგორც „ნიუსპრესს“ რეზიდენციაში შესვლის წინ ლაღიძემ განუცხადა, აქციის მონაწილე დევნილები და „ატსტუპნიკები“ საცხოვრებელი ფართების დაკანონებას მოითხოვენ.
„უკვე წლებია, დევნილების და „ატსტუპნიკების“ პრობლემა გადაუწყვეტელია. ხელისუფლება მათ პროლემებს ჯეროვან ყურადღებას არ აქცევს. ამასთან დაკავშირებით, თვეებია საპროტესტო აქციები მიმდინარეობს, თუმცა, ეს პრობლემა პრობლემად რჩება“ - განაცხადა ლაღიძემ.
მისი თქმით, იმ შემთხვევაში თუ ხელისუფლება დამაკმაყოფილებელ პასუხს არ გასცემს, აქციები გაგრძელდება და არ არის გამორიცხული მათ შიმშილობას მიმართონ. გარდა ამისა, მისივე თქმით, თუ სახელმწიფო ამ პრობლემებს არ გადაწყვეტს, შესაძლოა, მათ მომავალ არჩევნებს ბოიკოტი გამოუცხადონ.