თბილისის მერის კახა კალაძის განცხადებით, იმ შემთხვევაში თუ ელიავს ბაზრობის მფლობელებსა და მერიას შორის შედგება მოლაპარაკება, შესაძლოა, აღნიშნულ ადგილას რეკრეაციული ზონა მოეწყოს.

როგორც კალაძე აღნიშნავს, ტერიტორიაზე პარკის გაკეთება საზოგადოების დიდი ნაწილის ინტერესებშიც შედის.

“ეს არის კერძო საკუთრება და ჩვენ დავიწყებთ მოლაპარაკებებს მფლობელებთან. რა თქმა უნდა, საკუთრებას ჩვენ არავის არ ვართმევთ და არ ვერევით მათ უფლებებში. მეორეს მხრივ, მინდა გითხრათ, რომ საზოგადოების მხრიდან დიდია მოთხოვნა, რომ თუკი შესაძლებელი იქნება, ელიავას ბაზრობის ადგილას რეკრეაციული ზონა მოეწყოს. ამ მოლაპარაკებებში თანხვედრაში უნდა იყოს მერიის და მფლობელთა ინტერესები“-განაცხადა კალაძემ „ქრონიკასთან“ საუბრისას.