დევნილთა და განსახლების მინისტრი სოზარ სუბარი და სპორტისა და ახალგაზრდობის საქმეთა მინისტრი ტარიელ ხეჩიკაშვილი წეროვანის დევნილთა ჩასახლებაში სოციალური საწარმოს პრეზენტაციას დაესწრნენ.
სოციალური საწარმო „იკორთა“ სპორტისა და ახალგაზრდობის საქმეთა სამინისტროს სსიპ ბავშვთა და ახალგაზრდობის განვითარების ფონდის მიერ 23 720 ლარით დაფინანსდა.

დევნილთა სამინისტროს ცნობით, პროექტის მიზანს მინანქრის საწარმოს ეკონომიკური გაძლიერება, დევნილი ახალგაზრდების პროფესიული გადამზადება და დასაქმება წარმოადგენდა.
დაფინანსების შედეგად, საწარმო საჭირო ტექნიკითა და ნედლეულით აღიჭურვა. მინანქრის ოსტატმა 6 ახალგაზრდას, რომლებიც შემდგომ საწარმოში დასაქმდნენ, სასწავლო კურსი ჩაუტარა. პროექტის ფარგლებში, „იკორთას“ მიერ ბრენდირებული 4 პატარა და 5 დიდი ვიტრინა თბილისისა და მცხეთის სხვადასხვა სასუვენირო მაღაზიებში განთავსდება.