მასწავლებლის დღესთან დაკავშირებით, ხულოს იუსუფ ზოიძის სახელობის სახელმწიფო დრამატული თეატრის შენობაში ღონისძიება გაიმართა.

ხულოს რაიონის გამგეობის პრესსამსახურის ინფორმაციით, შეხვედრას სკოლების პედაგოგებთან ერთად, გამგებლის მოვალეობის შემსრულებელი ლაშა ბოლქვაძე, საკრებულოს თავმჯდომარე ჯამბულ ხოზრევანიძე, აჭარის ა.რ. განათლების, კულტურისა და სპორტის მინისტრი ინგა შამილიშვილი, მაჟორიტარი დეპუტატი ანზორ ბოლქვაძე და რესურსცენტრის უფროსი ედუარდ მიქელაძე ესწრებოდნენ.
ღონისძიებაზე ხელისუფლების წარმომადგენლებმა პედაგოგებს მასწავლებლის დღე მიულოცეს და ქვეყნის განვითარებაში პედაგოგების განსაკუთრებულ წვლილზე, აგრეთვე ამ დღის მნიშვნელობაზე ისაუბრეს.
სპეციალურად ამ დღისათვის ხულოს მუნიციპალიტეტის გამგეობამ ფოლკლორული ანსამბლი „იბერია“ მოიწვია. ღონისძიებამ მაყურებელთა განსაკუთრებული მოწონება დაიმსახურა.