ცნობილი ფალავნის ვასილ გაროზაშვილის სახელობის ქართული ჭიდაობის საერთაშორისო ტურნირში ცაგერის მუნიციპალიტეტის გუნდმა (ხელმძღვანელი სპორტის ოსტატი კობა ქომეთიანი მწვრთნელები: დათო ქომეთიანი, თორნიკე მურცხვალაძე და შალვა მეგრელი) წარმატებით იასპარეზა.
60 კგ წონით კატეგორიაში II (მეორე) საპრიზო ადგილი დაიკავა გიორგი ახვლედიანმა, რომელმაც გაიმარჯვა 4 შეხვედრაში და ფინალში შეხვედრა საქართველოს ნაკრების წევრთან ვაჟა ჩადუნელთან (ხაშური) დათმო.
ამავე წონაში IV (მეოთხე) ადგილი დაიკავა ვალერი სილაგაძემ, რომელმაც მესამე ადგილისათვის დაძაბულ ბრძოლაში შეხვედრა ირანელ მოჭიდავესთან წააგო.
მოჭიდავეებს წარმატება გამგებლის პირველმა მოადგილემ კარლო ჩაკვეტაძემ და გამგებლის მოადგილემ კახა სვანიძემ მიულოცეს.
შეჯიბრებაში, რომელსაც ბათუმმა უმასპინძლა, ასევე მონაწილეობდნენ ფალავნები თურქეთიდან, ირანიდან, თურქმენეთიდან, აზერბაიჯანიდან და გერმანიიდან.