თბილისის არქიტექტურის სამსახური სტაჟიორთა მისაღებად კონკურსს აცხადებს. არქიტექტურის ფაკულტეტის კურსდამთავრებულებს, რომლებსაც თბილისის არქიტექტურის სამსახურში თეორიული ცოდნისა და პრაქტიკული გამოცდილების მიღება სურთ, განცხადების გაგზავნა შეუძლიათ 15 ოქტომბრამდე საჯარო სამსახურის ბიუროს ვებ-გვერდზე: წწწ.ჰრ.გოვ.გე

თბილისის მერიის ინფორმაციით, კანდიდატები სპეციალურად შექმნილი კომისიის მიერ შეირჩევიან.
არქიტექტურის სამსახურის სისტემაში სტაჟიორთა ახალი ნაკადის მომზადებას საკადრო რესურსების კვლევაზე დაფუძნებული პროგრამით აწარმოებენ. პროგრამა მოიცავს ტრენინგების კურსებსა და პროფესიულ პრაქტიკას არქიტექტურის სამსახურის სხვადასხვა განყოფილებაში.

უწყების ცნობით, სტაჟირების პროგრამა მიზნად თბილისის არქიტექტურის სამსახურში მაღალკვალიფიციური საკადრო რესურსის შექმნას ისახავს. წარმატებულ სტაჟიორებს სამსახურში დასაქმების შანსიც მიეცემათ.
აღსანიშნავია ისიც, რომ ანალოგიური კონკურსი თბილისის არქიტექტურის სამსახურში 2016 წლის სექტემბერშიც გამოცხადდა და შედეგად, 30 სტაჟიორი შეირჩა. პროგრამის წარჩინებით გავლის შედეგად 14 ახალგაზრდა უკვე დასაქმდა არქიტექტურის სამსახურის სხვადასხვა განყოფილებაში.
სტაჟირების შესახებ დამატებითი ინფორმაცია იხილეთ:

ჰტტპს://წწწ.ჰრ.გოვ.გე/ჟობPროვიდერ/UსერOრგVაკს/Dეტაილს/45188?აცტივე=1