საქართველოს ენერგეტიკისა და წყალმომარაგების მარეგულირებელ ეროვნული კომისიაში დღეს ელექტროენერგიის წარმოების 2017 წლის დარჩენილი თვეების საწარმოო ტარიფების კორექტირების საკითხს განიხილავენ.
სხდომის შემდეგ ცნობილი გახდება, გაიზრდება თუ არა ელექტროენერგიიის სამომხმარებლო ტარიფი და რამდენით.
„სხდომაზე განიხილება ოთხი თბოელექტროსადგურის ელექტროენერგიის წარმოების საკითხის კორექტირების საკითხი. აქ საუბარია 2017 წლის ტარიფებზე, რომელიც დადგენილია მიმდინარე წლის 1 იანვრიდან და კომისია იმსჯელებს აღნიშნული ტარიფის კორექტირებაზე. შესაბამისად, პროგნოზის გაკეთება არ იქნება მიზანშეწონილი გამომდინარე იქიდან, რომ საბოლოოდ თუ რა შედეგი დადგება, ეს დამოკიდებულია კომისიის გადაწყვეტილებაზე“ - განაცხადა „სემეკის" ტარიფების და ეკონომიკური ანალიზის დეპარტამენტის დირექტორმა, გივი სანიკიძემ.