საქართველოს სავაჭრო სამრეწველო პალატასთან თანამშრომლობით, მასწავლებელთა პროფესიული განვითარების ეროვნულ ცენტრში ტრენერთა ტრენინგი მიმდინარეობს.
განათლებისა და მეცნიერების სამინისტროს პრესამსხაურის ინფორმაციით, ტრენერთა ტრენინგს გერმანიიდან მოწვეული უცხოელი ექსპერტები ატარებენ. სატრენინგო მასალა ბავარიის სავაჭრო სამრეწველო პალატის მიერაა შემუშავებული და ის სხვადასხვა ქვეყანაში უკვე წარმატებით დაინერგა.
უწყების ცნიბითვე, მეწარმეობის უნარების განვითარება პროფესიული განათლების ერთ-ერთი მნიშვნელოვანი კომპონენტია. მან სტუდენტებს როგორც შორმის ბაზარზე საკუთარი ადგილის დამკვიდრებაში, ასევე საკუთარი ბიზნესის წამოწყებასა და წარმოებაში უნდა შეუწყოს ხელი. შესაბამისად, საერთაშორისო სტანდარტებით ტრენერთა მომზადებას განსაკუთრებული მნიშვნელობა აქვს მომავალი წარმატებისათვის.
ტრენინგი რამდენიმე ეტაპიანია: პირველ ეტაპზე ტრენინგი ტრენერებისათვის ტარდება და წარმატებულ მსმენელებს სერტიფიკატები გადაეცემათ, მეორე ეტაპზე, ტრენინგებს უცხოელი ექსპერტები დაესწრებიან და დადებითი შეფასების შემთხვევაში, ტრენერებს კვალიფიკაციის დამადასტურებელ სერტიფიკატებს გადასცემენ. ამის შემდეგ, გადამზადებული ტრენერები მოქმედ მასწავლებლებს მეწარმეობის ძირითად უნარ-ჩვევებში პროფესიული განვითარების ტრენინგებს ჩაუტარებენ, რომლებიც კონკრეტული პრაქტიკული მაგალითებითა და პროექტებით იქნება გამდიდრებული.
