განათლების ხარისხის განვითარების ეროვნული ცენტრი საერთაშორისო ექსპერტების მონაწილეობით უმაღლესი საგანმანათლებლო პროგრამების აკრედიტაციას აგრძელებს.
ხვალ ცენტრს საერთაშორისო ექსპერტი, კიელის უნივერსიტეტის გამოყენებითი მათემატიკის პროფესორი მალტე ბრააკი (გერმანია)ესტუმრება, რომელიც ადგილობრივ ექსპერტებთან ერთად მიიღებს მონაწილეობას ინგლისურენოვანი პროგრამის შეფასების პროცესში. ექსპერტთა ჯგუფის შემადგენლობაში ასევე წარმოდგენილნი იქნებიან სტუდენტი და დამსაქმებელი.
ექსპერტთა ჯგუფი, STUDY IN GEORGIA-ს ფარგლებში სსიპ ივანე ჯავახიშვილის სახელობის თბილისის სახელმწიფო უნივერსიტეტში მათემატიკაში ინგლისურენოვან საერთაშორისო სადოქტორო პროგრამას შეაფასებს.
2017 წლის ბოლომდე საერთაშიროს ექსპერტების მონაწილობით საქართველოს 11 ავტორიზებულ უმაღლეს საგანმანათლებლო დაწესებულებაში 21 ინგლისურენოვანი საბაკალავრო, სამაგისტრო, ერთსაფეხურიანი სამედიცინო და სადოქტორო პროგრამა შეფასდება.