საქართველოს თავდაცვის მინისტრის, ლევან იზორიას განცხადებით, საქართველოს ხელისუფლება სტრატეგიულ პარტნიორებთან შეთანხმებით ყველაფერს აკეთებს, რათა რეგიონალური უსაფრთხოება იქნას შენარჩუნებული და ამით აფხაზებთან და ოსებთან შვიდობიანი თანაცხოვრების გარემო შეიქმნას.

ამის შესახებ იზორიამ მუხათგვერდის ძმათა სასაფლაოზე განაცხადა, სადაც მან 2008 წლის აგვისტოს ომში დაღუპულ გმირებს პატივი მიაგო.

„ჩვენ საერთაშორისო საზოგადოებასთან ერთად ვართ კონსოლიდირებულნი, იმ უკანონო ქმედებების წინააღდეგ, რომელიც საერთაშორისო ნორმების უხეში დარღვევაა. ჩვენი ხელისუფლება ყველაფერს აკეთებს, რათა ვიყოთ თანმიმდევრულნი, ვხელმძღავენელობდეთ ეროვნული ინტერესებით და ვაკეთებდეთ ყველაფერს ჩვენს სტრატეგიულ პარტნიორებთან შეთანხმებით, რათა რეგიონალური უსაფრთხოების უზრუნველყობით მაქსიმალური კეთილდღეობა და მშვიდობიანი თანაცხოვრების გარემო შევქნათ ჩვენს ძმებთან - აფხაზებთან და ოსებთან“ - განაცხადა იზორიამ.
დღეს აგვისტოს ომის დაწყებიდან 9 წელი გავიდა.