საქართველოსა და გართიანებული სამეფოს თავდაცვის სამინისტროებს შორის დღეს გაფორმებული მემორანდუმის თანახმად, დიდი ბრიტანეთი საქართველოში თავდაცვის საკითხებში სპეციალურ მრჩეველს - სტივენ გლოვერს მოავლენს.
საქართველოს თავდაცვის სამინისტროს პრესსამსახურის ინფორმაციით, მემორანდუმს ხელი საქართველოს თავდაცვის მინისტრის პირველმა მოადგილემ ნოდარ ხარშილაძემ და დიდი ბრიტანეთისა და ჩრდილოეთ ირლანდიის გართიანებული სამეფოს სრულუფლებიანმა ელჩმა საქართველოში - ჯუდით გოფმა მოაწერეს.
"ეს გაერთიანებულ სამეფოსა და საქართველოს შორის მჭიდრო თანამშრომლობის სიმბოლო და დემონსტრირებაა. დიდი იმედი მაქვს, რომ ჩვენი თანამშრომლობა გაგრძელდება, რადგან საქართველოს თავდაცვის სამინისტრო რეფორმების განხორციელებისა და ნატოში ინტეგრაციის გზაზე წინ მიიწევს"- განაცხადა ჯუდით გოფმა.