შინაგან საქმეთა მინისტრის, გიორგი მღებრიშვილის განცხადებით, მართალია ამ დროისთვის ბორჯომში ხანძრის ლიკვიდირება ვერ ხერხდება, თუმცა წუხანდელთან შედარებით ვითარება გაუმჯობესებულია.
როგორც შს მინისტრმა ტელეკომპანია „იმედის“ ჟურნალისტთან საუბრისას განაცხადა, ხანძრის სალიკვიდაციო სამუშაოებში 2 ქართული და 1 აზერბაიჯანული ვერტმფრენია ჩართული.
„წუხელ მთელი ღამის განმავლობაში ხანძრის სალიკვიდაციოდ ჩართული იყო 300-მდე მაშველი. დღეს დილით მათ შეუერთდა შსს-ს განსაკუთრებულ დავალებათა დეპარტამენტის 500 თანამშრომელი. ასევე, ავიაციაა ჩართული - 2 ჩვენი ვერტფრენია, 1 აზერბაიჯანის საგანგებო სიტუციების სამინისტროს ვერტფრენია. დიდი მადლობას ვუხდი მათ ამისთვის.
ამ დროსითვის ხანძრის ჩაქრობა ვერ ხერხდება, თუმცა უკეთესობა გვაქვს, ვიდრე წუხელ გვქონდა. მე იმედს ვიტოვებ, რომ დღეს ამინდი ხელს შეგვიწყობს და მოგვეცემა საშუალება, რომ მოვახდინოთ ლოკალიზება და შემდგე ლიკვიდირება“- განაცხადა მღებრიშვილმა.
შს მინისტრის განცხადებითვე, დასახლებულ პუნქტებზე ხანძრის გავრცელების საფრთხე ამ დროისთვის არ არსებობს.
„ამ ეტაპზე დასახლებულ პუნქტებზე ხანძრის გადადების საშიშროება პრაქტიკულად არ არსებობს. ხანძრის კერები უშუალოდ უღრან ტყეშია. ჩვენ პრემიერთან ერთად შემოვიფრინეთ ტერიტორია და იდენტიფიცირება მოვახდინეთ იმ ხანძრის კერებისა, რომლებიც ახლა ანთია. შესაბამისი დავალებები მივეცით უწყებებს. მინდა გითხრათ, რომ ადგილზე მუშაობს ასევე ინფრასტრუქტურის სამინისტრო. ინფრასტრუქტურის მინისტრიც აქ იმყოფება.
სპეცტექნიკით იქნა გაჭრილი 3 კილომეტრი გზა, იმისთვის რომ სახანძრო მანქანებს შესძლებოდათ მიახლოება ხანძრის კერებამდე და შემდგომ მათი ლოკალიზება და ლიკვიდაცია. ასე რომ, მთელი ძალებით ვართ ჩართული ამ უბედურების თავიდან ასაცილებლად“- განაცხადა შს მინსტრმა.
მღებრიშვილის თქმითვე, თურქეთიდან უკვე მოფრინავს 2 დამხმარე ვერტმფრენი.
„მინდა გთხრათ, რომ თურქეთიდან ვერტმფრენი უკვე გამოფრინდა, უამინდობის გამო მათ დააგვიანდათ საქართველოსკენ გამოფრენა, მაგრამ ისინი უკვე ჰაერში არიან და სულ რამდენიმე საათში გადმოკვეთენ საქართველოს სახემწიფო საზღვარს. ასე რომ, ძალ-ღონეს არ ვიშურებთ იმისთვის, რომ ხანძარი იქნეს ლიკვიდირებული. თუმცა, მაინც მინდა გითხრათ, რომ ეს არის დამოკიდებული ამინდზე. იმიტომ რომ, გუშინ ამ დროსითვიბს პრაქტიკულად ლიკვიდირებული იყო ხანძარი, დაახლოებით 90% იყო ჩამქრალი, მაგრამ ძლიერმა ქარმა გაგვიკეთა ასეთი სიურპრიზი, რომ იმდენად დიდი მანძილს მოედო ხანძარი, რომ დღეს უკვე ხედავთ, რა ვითარება გვაქვს“- განაცხადა მღებრიშვილმა.