ჭყონდიდის მიტროპოლიტის, მეუფე პეტრეს განცხადებით, ე.წ. ციანიდის საქმეში ბრალდების მხარე მიკერძოებულია და მათ სწორედ ამიტომ დახურეს სასამართლო პროცესი.
მისივე თქმით, დაკითხვაზე კვლავ ის დაადასტურა, რასაც აქამდე ამბობდა.
ამის შესახებ მეუფე პეტრემ ე.წ. ციანიდის საქმესთან დაკავშირებით დაკითხვიდან გამოსვლის შემდეგ განაცხადა.
„ძალიან ვწუხვარ, რომ კიდევ ერთხელ გამოჩნდა ტენდენციურობა და მიკერძოებულობა ბრალდების მხარისა და კიდევ ერთხელ დავრწმუნდი, რატომ სჭირდებოდათ მათ სასამართლო პროცესების დახურვა. აშკარად გამოჩნდა რომ ძალიან უხერხულ მდგომარეობაში არიან. ვგულისხმობს იმის, რომ ძალიან მიკერძოებულია დამოკიდებულება ბრალდების მხარისა და ცდილობენ თავის დავალება თუ ამოცანა იყოს განხორციელებული. ვფიქრობ, რომ საქართველოში აუცილებლად იზეიმებს სამართლიანობა და მართლმსაჯულება თავის საქმეს იტყვის.
დავიკითხე ჩემი სატელევიზიო ეთერებში გამოსვლიდან გამომდინარე. იგივე კითხვები იყო და იგივე დავადასტურე, რაც ჩემი აზრი არის და კიდევ ერთხელ დავადასტურე, რომ საქართველოს საპატრიარქოში არსებული პირველხარისხოვანი პრობლემა ამ ქალბატონის ხელში არსებული ძალაუფლებაა.
შორენა თეთრუაშვილს მხოლოდ შეუძლია ცილისწამებებით შეუშალოს ადამიანს ხელი, მის არსებობასაც კი“- განაცხადა მეუფემ.
შეგახსენებთ, რომ ე.წ. ციანიდის საქმეზე დეკანოზი გიორგი მამალაძეა დაკავებული. მას ბრალად პატრიარქის მდივან-რეფერანტის, შორენა თეთრუაშვილის მოწამვლის მცდელობის დაგეგმვა ედება ბრალად.