ამერიკის შეერთებული შტატების იურისტთა ასოციაციის „კანონის უზენაესობის ინიციატივის“ საქართველოს ოფისი დღეს ორი წიგნის პრეზენტაციას გამართავს.
როგორც „ნიუსპრესს“ საქართველოში აშშ-ს საელჩოდან აცნობეს, სახელმძღვანელოები - „სამართლებრივი მართლწერა: შუამდგომლობები, საჩივრები და ადამიანის უფლებათა ევროპული სასამართლოში გასაჩივრების პროცედურები“ და „სახელმძღვანელო ადვოკატებისთვის სასამართლო უნარ-ჩვევებში – გაძლიერებული სწავლების პროგრამა“ ქართველი ადვოკატებისთვისაა განკუთვნილი.
საელჩოს ინფორმაციით, სახელმძღვანელო სასამართლო უნარ-ჩვევების შესწავლით დაინტერესებულ პირებს დაეხმარება.
სახელმძღვანელო ამერიკის იურისტთა ასოციაციის „კანონის უზენაესობის ინიციატივის“ (ABA ROLI) საქართველოს ოფისისა და აშშ-ს სახელმწიფო დეპარტამენტის სახელმწიფო ანტინარკოტიკული და სამართალდაცვითი პროგრამების საერთაშორისო ბიუროს (INL) ტექნიკური და ფინანსური მხარდაჭერით გამოიცა.