შინაგან საქმეთა სამინისტროს სასაზღვრო პოლიციის ინიციატივითა და საქართველოს თავდაცვის სამინისტროს მხარდაჭერით, სასაზღვრო პოლიციის თანამშრომლებისათვის ორდღიანი სასწავლო კურსი - “სტრატეგიული კომუნიკაციები” ჩატარდა.
ტრენინგს პოლიტიკისა და საინფორმაციო გარემოს ანალიტიკოსი ერეკლე შუბითიძე უძღვებოდა.
კურსის მსმენელები სტრატეგიული კომუნიკაციების არსს და მის ძირითად ელემენტებს გაეცნენ და განიხილეს შემდეგი საკითხები: ზეგავლენის მოხდენა და დარწმუნების მეთოდები, ნარატივი და გზავნილები, საკომუნიკაციო არხები, სამიზნე აუდიტორიები, კომუნიკაციის სტრატეგიისა და სამოქმედო გეგმის სტრუქტურა და მისი ძირითადი მოდულები.
სწავლების დასასრულს, ყველა მონაწილეს შესაბამისი სერთიფიკატი გადაეცა.