„სათანადოდ, აუცილებლად სასწრაფოდ უნდა იქნას გამოძიებული ეს საკითხი და ყველა დამნაშავე უნდა იქნას დასჯილი კანონმდებლობის შესაბამისად“,- ამის შესახებ საქართველოს პარლამენტის თავმჯდომარემ გენერალურ აუდიტორზე მომხდარი თავდასხმის შესახებ საუბრისას განაცხადა.

ირაკლი კობახიძემ კიდევ ერთხელ აღნიშნა, რომ საპარლამენტო საგამოძიებო კომისიის შექმნა თავად გამოძიების მიმდინარეობაზეა დამოკიდებული.
„კიდევ ერთხელ დავაფიქსირებ პოზიციას, რომ სათანადოდ,აუცილებლად სასწრაფოდ უნდა იქნას გამოძიებული ეს საკითხი და ყველა დამნაშავე უნდა იქნას დასჯილი კანონმდებლობის შესაბამისად. საპარლამენტო საგამოძიებო კომისიის შექმნა დამოკიდებულია თვითონ გამოძიების მიმდინარეობაზე. ჩვენ თუ დავინახავთ, რომ კომისიის შექმნაც არის საჭირო, ამ შემთხვევაში, ასეთი კომისია შეიქმნება. დაველოდოთ გამოძიების მიმდინარეობას“,- განაცხადა პარლამენტის თავმჯდომარემ.