არასამთავრობო ორგანიზაციები „ადამიანის უფლებათა ცენტრი” და “ადამიანის უფლებათა სახლი” დღეს ამნისტიის, შეწყალების და ვადაზე ადრე გათავისუფლების გამოყენების ეფექტურობაზე საქართველოში, ღია კარის დღეს გამართავენ.

როგორც „ნიუსპრესს“ ადამიანის უფლებათა ცენტრიდან აცნობეს, ღია კარის დღეზე განიხილება არასამთავრობო ორგანიზაცია „ადამიანის უფლებათა ცენტრის" გამოცდილება ამნისტიის, შეწყალების და ვადაზე ადრე გათავისუფლების ეფექტურობაზე საქართველოში კონკრეტული მაგალითების გამოყენებით. ამასთან, ადვოკატები განიხილავენ თეორიულ საკითხებს, ევროპული სასამართლოს მიდგომებს და სხვა სახელმწიფოთა პრაქტიკას აღნიშნულ საკითხებთან დაკავშირებით.

შეხვედრა ადამიანის უფლებათა სახლის პროექტის - „უფასო იურიდიული დახმარება საქართველოს სოციალურად დაუცველი მოსახლეობისთვის” ფარგლებში ტარდება.

პროექტი ევრაზიის თანამშრომლობის ფონდის პროექტის - „სასამართლო ინიციატივა დამოუკიდებელი მართლმსაჯულებისთვის“ ფარგლებში ხორციელდება.