კომპანია „ელიტა ბურჯში“ ამ წუთებში პოლიცია იმყოფება. ინფორმაცია „ნიუსპრესს“ კომპანიაში დაუდასტურეს.

„ელიტა ბურჯის“ წარმომადგენლის თქმით, კომპანიაში პოლიციის შესვლის მიზეზი ცნობილი არ არის, რადგან მათთვის არავის არაფერი განუმარტავს.

„პოლიციელები შენობაში არიან და შემოსვლის უფლებას არავის აძლევენ“-განაცხადეს კომპანიაში.

ამჟამად კომპანიის მუშაობა შეჩერებულია.

რამდენიმე წუთის წინ გავრცელებული ინფორმაციით, პოლიცია იმყოფება ასევე გასართობი ცენტრ „ციცინათელაში“, რომელიც ქობულეთში მდებარეობს, ასევე „გლობალ კონტაქტ კონსალტინგში“.

დაახლოებით ერთი საათის წინ, პროკურატურამ გაავრცელა განცხადება, რომ სასამართლოს „გლობალ კონტაქტ კონსალტინგის“ დაუმონტაჟებელი ანტენების დროებით დაყადაღების შუამდგომლობით მიმართავს.