კომპანია „გლობალ-ტვ“-ს ამერიკელ მეწილეს ალექსანდრე რონჟესს ადვოკატი ლილი გელაშვილი უკვე ხვდება. ამის შესახებ „ნიუსპრესს“ თავად გელაშვილმა შესვლამდე განუცხადა.

მისი თქმით, ალექსანდრე რონჟესი თბილისის აეროპორტის ერთ-ერთ ოთახში იმყოფება.

ადვოკატების ინფორმაციით, „გლობალ ტვ“-ის ამერიკელი მეწილის დაკავება რამდენიმე საათის წინ მოხდა, მათთვის დაკავების მიზეზი უცნობია.

ამასთან, რამდენიმე წუთის წინ „ნიუსპრესს“ შინაგან საქმეთა სამინისტროში განუცხადეს, რომ რონჟესი დაკავებული არ არის და იგი მხოლოდ მოწმის სტატუსით იკითხება.

აღსანიშნავა, რომ დღეს თბილისის სააპელაციო სასამართლოში კოალიცია „ქართული ოცნების“ ლიდერის ბიძინა ივანიშვილის დაჯარიმების საქმესთან დაკავშირებით, საჩივარი განიხილებოდა.

ივანიშვილი საქალაქო სასამართლომ წინასაარჩევნოდ პოლიტიკური მიზნით, ამომრჩევლისთვის „გლობალ ტვ“-ს სატელიტური ანტენების უსასყიდლოდ გადაცემაში დაადანაშაულა და 126 220 190 ლარით დააჯარიმა, შესაბამისად ივანიშვილის ადვოკატებმა სააპელაციო სასამარლოს მიმართეს.
მოსამართლემ დღევანდელ განხილვაზე ექსპერტიზა დანიშნა, რომლის მიხედვით უნდა გაირკვეს იყო თუ არა აღნიშნული საქმიანობა კომპანია „გლობა ტვ“-სთვის მომგებიანი.
საჩივრის განხილვა ხვალ უნდა განახლდეს.