ქუთაისის პოლიციის სამმართველოს მეოთხე განყოფილებაში დაკითხვაზე მყოფი კოალიცია „ქართული ოცნების“ აქტივისტს კობა ჯაბუას ამომრჩევლის მოსყიდვის მცდელობისთვის ბრალი წაუყენეს და ქალაქიდან გაუსვლელობის ხელწერილით გაათავისუფლეს.
პოლიციის შენობაში დაკითხვა დაახლოებით ოთხი საათი მიმდინარეობდა.
როგორც ჯაბუამ განაცხადა, დაკითხვაზე სამართალდამცავებს აინტერესებდათ იყო თუ არა ის კოალიციის წევრი და სთავაზობდა თუ არა მოსახლეობას მატერიალურ უზრუნველყოფას.
კობა ჯაბუას თქმით, ის ამჟამად კოალიციის წევრი არ არის და საკუთარი სურვილით, როგორც მხარდამჭერი გაზეთებისა და ფლაერების გავრცელებაში მონაწილეობდა.