„ქრისტიან-დემოკრატიული მოძრაობის“ ლიდერებმა გიორგი ახვლედიანმა და ჯაბა სამუშიამ დღეს, თბილისის საქალაქო სასამართლოში კოოპერატიული ბინათმშენებლობით

 დაზარალებულებთან დაკავშირებით, ფინანსთა სამინისტროს წინააღმდეგ სარჩელი შეიტანეს.
როგორც „ნიუსპრესს“ ჯაბა სამუშიამ განუცხადა, 1998 წლის მთავრობის გადაწყვეტილებით, სამინისტროს შიდა ვალად აღიარებული კოოპერატიული ბინათშენებლობის დაზარალებულთა ვალის გასასტუმრებლად წესი უნდა შეემუშვებინა, თუმცა, იგი დღემდე არ არის შემუშავებული.
„აღნიშნული სარჩელით ვითხოვთ, სასამართლომ ფინანსთა სამინისტროს იმ გადაწყვეტილების აღსრულება დაავალოს, რომლის მიხედვითაც მათ აღნიშნული წესის შემუშავება უნდა უზრუნველყონ“ - განაცხადა ჯაბა სამუშიამ.
მისი თქმით, მთელი საქართველოს მასშტაბით 8 000-ზე მეტი, ხოლო თბილისში 4 000-მდე ბინათმშენებლობით დაზარალებული მოქალაქე ცხოვრობს.
სამუშიას განმარტებით, აღნიშნული სარჩელი, კოოპერატიული ბინათმშენებლობით დაზარალებული მოქალაქის ბესო საღარაძის სახელზეა შეტანილი სასამართლოში.