პირობითი მსჯავრის გაუქმების საკითხზე მომუშავე მუდმივმოქმედმა კომისიამ 126 პრობაციონერს პირობითი მსჯავრი მოუხსნა.
აღნიშნული გადაწყვეტილება დღეს, სასჯელაღსრულების, პრობაციისა და იურიდიული დახმარების საკითხთა სამინისტროში გამართულ კომისიის სხდომაზე მიიღეს. კომისიის სხდომები თვეში ერთხელ იმართება.
კომისიის წევრებმა მხოლოდ იმ მსჯავრდებულთა განცხადებები განიხილეს, რომლებსაც გამოსაცდელი ვადის ნახევარი მოხდილი ჰქონდათ.
გადაწყვეტილების მიღებისას კომისია, პირველ რიგში ყურადღებას ინდივიდუალური მიდგომის შედეგად გამოვლენილ რისკ-ფაქტორებზე ამახვილებს.
კომისია 5 წევრისგან შედგება და პირობითი მსჯავრის გაუქმებისა და ნასამართლეობის მოხსნის საკითხს სასამართლოს გარეშე წყვეტს.
კომისიის შემადგენლობაში არიან სამინისტროს ცენტრალური აპარატის, პრობაციის ეროვნული ბიუროს, იუსტიციის უმაღლესი საბჭოსა და არასამთავრობო სექტორის წარმომადგენლები.