ტელეკომპანია „პირველ სტერეოსთან“ დაკავშირებით განვითრებულ მოვლენებზე საქართველოს სახალხო დამცველის აპარატი საკუთრ მოსაზრებას დაპირისპირებული მხარეების მასალების გაცნობის შემდეგ დააფიქსირებს.

ამის შესახებ სახალხო დამცველის აპარატის მართლმსაჯულების დეპარტამენტის უფროსმა ირაკლი მჟავანაძემ ტელეკომპანია „პირველი სტერეოსა“ და სამაუწყებლო კომპანია „სტერეო პლიუსის“ დამფუძნებელ დავით ზილფიმიანთან შეხვედრის შემდეგ განაცხადა.

მისი თქმით, ამ ეტაპზე იგი კომენტარისგან თავს იკავებს რადგან შესაბამისი უწყებებისგან დოდუმენტები უნდა გამოთხოვა და მათი გაცნობა უნდა მოხდეს.

გარდა ამისა, მისი თქმით, მოხდება დაპირისპირებული მეორე მხარის დავით ბეჟუაშვილის პოზიციის გაცნობაც.

სავარაუდოდ, სახალხო დამცველი აღნიშნულ ფაქტთან დაკავშირებით, პოზიციას რამდენიმე დღეში დააფიქსირებს.

დავით ზილფიმიანმა საპარლამენტო უმრავლესობის წევრი დავით ბეჟუაშვილი მისი ქონების მითვისებაში გუშინ დაადანაშაულა.
როგორც მან პრესკონფერენციაზე აღნიშნა, 12 მაისს ბეჟუაშვილმა, რომელიც „პირველ სტერეოში“ მისი პარტნიორია, სასამართლოში განცხადება შეიტანა, თითქოს, მათ დავით ზილფიმიანი აზარალებდა.
ბიზნესმენის განმარტებით, ეს განცხადება მხოლოდ ვარაუდს ეფუძნება. მოსამართლემ კი, მისი ქონების დაყადაღების გადაწყვეტილება მიიღო.
ბიზნესმენის განცხადებით, ის თავისი ქონების დათმობას არ აპირებს. ამ წუთებში ზილფიმიანი ტელეკომპანიის შენობაში იმყოფება.