შინაგან საქმეთა სამინისტროს სამცხე–ჯავახეთის სამხარეო მთავარ სამმართველოში, ახალქალაქში მცხოვრებმა, 1961 წელს დაბადებულმა ალექსან მ–მ ცეცხლსასროლი და საბრძლო იარაღი წარმოადგინა და ნებაყოფლობით ჩააბარა.
სამინისტროს პრესსამსახურის ინფორმაციით, ჩაბარებულია ავტომატური ცეცხლსასროლი იარაღისათვის განკუთვნილი 4 მჭიდი, 6 ხელყუმბარა, ამათგან 3ცალი – „RG–42“, 2 ცალი –“F-1” და 1–იც –„RGD–5“ ტიპის, 4 საკვამლე კოჭა, 2 ცალი „R–7 გასროლა“, ორ პლასტმასის ქილაში მოთავსებული ფეთქებადი ნივთიერება ტროტილი (ფხვიერ მდგომარეობაში), 5 ფეთქებადი ნივთიერება ტროტილი ( მყარ მდგომარეობაში), ცეცხლსასროლი იარაღის სისტემაზე გადაკეთებული „ტირის თოფი“, კუსტარულად გადაკეთებული სანადირო თოფი ე.წ. „აბრეზი“, ასევე კუსტარულად დამზადებული ლულა დამრტყმელი მექანიზმით, 2 სასიგნალო რაკეტა, 7 ხელყუმბარის ამფეთქებელი ფალია, 183 ცალი 5,6 კალიბრიანი „გეკოს“ სისტემის იარაღისათვის განკუთვნილი ვაზნა, 556 ცალი 5,45 კალიბრიანი „AKC“-ის სისტემის ცეცხლსასროლი იარაღისათვის განკუთვნილი ვაზნა, 41 ცალი 7,62 კალიბრიანი კარაბინის ტიპის ცეცხლსასროლი იარაღისათვის განკუთვნილი ვაზნა.
აღნიშნულ ფაქტთან დაკავშირებით, გამოძიება საქართველოს სისხლის სამართლის კოდექსის 236-ე მუხლის პირველი ნაწილით მიმდინარეობს.
გამოძიებას შსს–ს სამცხე–ჯავახეთის სამხარეო მთავარი სამმართველოს ახალქალაქის რაიონული სამმართველო აწარმოებს.