შინაგან საქმეთა სამინისტროს დედოფლისწყაროს პოლიციის სამმართველოს თანამშრომლებმა,
სოფელ ხორნაბუჯის სკოლიდან, არასრულწლოვანი გოგონას გატაცების ფაქტზე
ადგილობრივი მკვიდრი, 61 წლის მამაკაცი დააკავეს.

როგორც დედოფლისწყაროს მუნიციპალიტეტის სოფელ ხორნაბუჯის საჯარო სკოლის
დირექტორმა ლალი მენთეშაშვილმა განაცხადა, 13 წლის გოგონა
მესამე გაკვეთილიდან გაუჩინარდა.

მომხდარის გამო პოლიციას პედაგოგებმა შეატყობინეს.

„გოგონა ორ გაკვეთილს დაესწრო და მერე გაუჩინარდა. იყვნენ თვითმხილველები, რომლებიც აცხადებდნენ, რომ ის ასაკოვანმა მამაკაცმა გაიტაცა. ამის შემდეგ პოლიცია გამოვიძახეთ. ამჟამად გამოძიება მიმდინარეობს. სხვა დეტალები ჩემთვის უცნობია. ვიცი ვინაა გამტაცებელი მამაკაცი, თუმცა მისი გვარი და სახელი არ მახსოვს. დანარჩენს ალბათ გამოძიება დაადგენს“ – აცხადებს ხორნაბუჯის სკოლის დირექტორი.

ქიზიყი.ge-ს ინფორმაციით, ერთ-ერთი ვერსიით, მამაკაცმა არასრულწლოვანი გოგონა სექსუალური ძალადობის მიზნით გაიტაცა.