თბილისის საქალაქო სასამართლო დღეს, თავდაცვის ყოფილი მინისტრის, ირაკლი ოქრუაშვილის ბიძის, ზურაბ გიგუაშვილის საქმესთან დაკავშირებით სხდომას გამართავს.

გიგუაშვილს ბრალად უკანონო შეიარაღებული ფორმირების შექმნაში მონაწილეობა ედება.

ბრალდებული ზურაბ გიგუაშვილი ძებნილად არის გამოცხადებული და ამჟამად
საქართველოში არ იმყოფება. მის უფლებებს სასამართლო პროცესზე ადამიანის
უფლებათა ცენტრის იურიდიული ჯგუფის ხელმძღვანელი, ნინო ანდრიაშვილი იცავს.

როგორც დაცვის მხარემ „ნიუსპრესს“ აცნობა, დღეს პროცესზე ბრალდების მხარის მოწმეების დაკითხვა იგეგმება.

ზურაბ გიგუაშვილს ბრალი 2011 წლის 5 ივნისს წაეყენა.

„30 ივნისს ის საპროცესო კანონმდებლობის უხეში დარღვევით დააკავეს, როდესაც სომხეთის საზღვარზე გადადიოდა. მას ჩამოართვეს ხელწერილი, რათა საქართველოდან არ გასულიყო,
მაგრამ, ამის მიუხედავად, თვითონვე შეუწყვეს ხელი საზღვარგარეთ გამგზავრებაში“ - აცხადებენ ადამიანის უფლებთა ცენტრში.