შინაგან საქმეთა სამინისტროს მთავარი სამმართველოს, გლდანი-ნაძალადევის სამმართველოს პოლიციის მე-9 განყოფილების თანამშრომლებმა, ყაჩაღობის ფაქტზე, წარსულში იმავე ბრალდებით ნასამართლევი გიორგი შ. და ომარ ჩ. დააკავეს.

სამინისტროს პრესსამსახურის ცნობით, ბრალდებულებმა 8 დეკემბერს, თბილისში, ბენდელიანის ქუჩაზე სასურსათო მაღაზია დააყაჩაღეს, საიდანაც ფული და სხვადასხვა დასახელების პროდუქტი გაიტაცეს.

ჩატარებული ოპერატიულ-საგამოძიებო მოქმედებების შედეგად, სამართალდამცველებმა ორივე ბრალდებული ბენდელიანის ქუჩის მიმდებარე ტერიტორიაზე იმავე ღამეს დააკავეს. პირადი ჩხეკისას მათგან ნივთმტკიცებები, გატაცებული ფული და ნიღაბი ამოიღეს.

გამოძიება სისხლის სამართლის კოდექსის 179-ე მუხლის მე-2 ნაწილით მიმდინარეობს.