ევროპისა და ევრაზიის საკითხებში სახელმწიფო მდივნის თანაშემწე ერიკ რუბინი, დღეს, საქართველოს შინაგან საქმეთა მინისტრს, ირაკლი ღარიბაშვილს შეხვდა.

სამინისტროს პრესსამსახურის ინფორმაციით, შეხვედრა გაცნობითი ხასიათის იყო და საქართველოს ახალ მთავრობასა და ამერიკის შეერთებულ შტატებს შორის ახლო ურთიერთობას და მჭიდრო კონტაქტის დამყარებას ისახავდა მიზნად.

შეხვედრას ამერიკის შეერთებული შტატების ელჩი – რიჩარდ ნორლანდი, ამერიკის შეერთებული შტატების სახელმწიფო დეპარტამენტის ევროპისა და ევრაზიის საკითხების ბიუროს კავკასიის საკითხების სამსახურის ხელმძღვანელი – ჯასტინ ფრიდმანი, ამერიკის შეერთებული შტატების სახელმწიფო დეპარტამენტის რეგიონალური უსაფრთხოებისა და საბრძოლო იარაღის გადაზიდვის სამსახურის ხელმძღვანელი –ვანგალა რამი, საქართველოში ამერიკის შეერთებული შტატების საელჩოს საერთაშორისო ნარკოტიკებისა და კანონის აღსრულების საქმეთა სამსახურის უფროსი – არონ ფიშმანი და საქართველოში ამერიკის შეერთებული შტატების საელჩოს ოფიცერი პოლიტიკისა დაეკონომიკის საკითხებზე – ანდერს ლინჩი დაესწრნენ.