სასჯელაღსრულების, პრობაციისა და იურიდიული დახმარების საკითხთა სამინისტროს პრესსამსახურში რუსთავის მეექვსე  სასჯელაღსრულების დაწესებულებაში პატიმრის გარდაცვალების შესახებ გავრცელებულ ინფორმაციას კატეგორიულად უარყოფენ.

როგორც „ნიუსპრესს“ აღნიშნული სამინიტროს პრესსამსახურში განუცხადეს, პატიმრის გარდაცვალების შემთხვევა ბოლო დღეებში არც ერთ დაწესებულებაში არ დაფიქსირებულა.

„სასჯელაღსულების დაწესებულებებში, ამ ბოლო დროს, გარდაცვალების არც ერთი შემთხვევა არ ფიქსირდება“ - აცხადებენ სასჯელაღსრულების სამინისტროს პრესსამსახურში.

რუსთავის სასჯელაღსრულების მეექვსე დაწესებულებაში პატიმარი წიგნაძის გარდაცვალების შესახებ ინფორმაცია მედიაში დღეს გავრცელდა.

გარდა ამისა, „ადამიანის უფლებათა ცენტრმა“ პატიმრის დედაზე დაყრდნობით დღეს გაავრცელა ინფორმაცია, რომ წუხელ რუსთავის ციხეში სასტიკად სცემეს პატიმარ გოდერძი კიკნაძეს.