საქართველოს შინაგან საქმეთა სამინისტროს საპატრულო პოლიციის დეპარტამენტის დირექტორის, ვაჟა სირაძის განცხადებით, პარლამენტში მყოფი პოლიციელები მხოლოდ სათანადო ეკიპირებით არიან აღჭურვილები და არანაირი ცეცხლსასროლი იარაღის შენობაში შეტანის ფაქტს ადგილი არ ჰქონია.

ვაჟა სირაძემ აღნიშნული განცხადება ტელეკომპანია "მთავარი არხის" მიერ გავრცელებული ინფორმაციის საპასუხოდ გააკეთა, რომლის თანახმნადაც, "პარლამენტის შენობაში იარაღი შეიტანეს."

"განსაკუთრებულ დავალებათა დეპარტამენტის დანაყოფებს აქვთ თავისი აღჭურვილობა, რომელიც განკუთვნილია მხოლოდ და მხოლოდ საზოგადოებრივი წესრიგისა და უსაფრთხოების დასაცავად ვითარების გამწვავების შემთხვევაში და პარლამენტის შენობაში არანაირი ცეცხლასროლი იარაღის შეტანის ფაქტს ადგილი არ ჰქონია"-განაცხადა სირაძემ.