პოლიტიკური კოალიცია „ქართული ოცნების“ წევრს ნიკოლოზ ლაფერაშვილს სასამართლომ 400 ლარიანი ჯარიმა დააკისრა.

ამის შესახებ ინფორმაცია faсebook-ზე, კოალიციის კასპის მაჟორიტარი დეპუტატობის კანდიდატის დავით ონოფრიშვილის ოფიციალურ გვერდზე გავრცელდა, სადაც ნათქვამია, რომ ლაფერაშვილს სასამართლომ 400 ლარიანი ჯარიმა დააკისრა და დარბაზიდანვე გაათავისუფლა.

ნიკოლოზ ლაფერაშვილი წუხელ კასპში, პოლიციისთვის წინააღმდეგობის გაწევის ბრალდებით დააკავეს.

სამართალდამცავები აცხადებენ, რომ ლაფერაშვილი ავტომანქანას უსაფრთხოების ღვედის გარეშე მართავდა, რის გამოც ჯარიმის ოქმის შედგენა დაიწყეს, რასაც „ქართული ოცნების“ წევრის მხრიდან პოლიციის თანამშრომლების მიმართ აგრესია და შეურაცხყოფა მოჰყვა.

„ქართული ოცნების“ კასპის მაჟორიტარტობის კანდიდიატის დავით ონოფრიშვილის თქმით კი, ლაფერაშვილს პოლიციისთვის წინააღმდეგობა არ გაუწევია და მშვიდად ელოდებოდა ოქმის შედგენას.