ყიფშიძის ქუჩაზე მომხდარი დაპირისპირების თვითმხილველთა თქმით, მათ გაიგონეს ხმაური და დაინახეს კაცი, რომელიც შველას ითხოვდა.

ამ დროისათვის შემთხვევის ადგილი ყვითელი ლენტითაა შემოსაზღვრული და საგამოძიებო მოქმედებები მიმდინარეობს.

წინასწარი ინფორმაციით, ყიფშიძის ქუჩის 2 ნომერსი კრიმინალური გარჩევა ფულის გამო მოხდა. არსებული ცნობით, მამაკაცი, ვინც გარჩევა მოაწყო, დაჭრილებს ფულს სძალავდა.

დაპირისპირება სამშენებლო კომპანიის ეზოში რამდენიმე წუთს გაგრძელდა.

ერთ-ერთი დაზარალებული თავშია დაჭრილი.

ამ დროისათვის ადგილზე ექსპერტ- კრიმინალისტები და სამართალდამცველები მუშაობენ.
გამოიკითხნენ მუშებიც, რომლებიც დაპირისპირების დროს ადგილზე იმყოფებოდნენ.

იდენტიფიცირებულია პირი, რომელმაც დაჭირლების მიმართულებით გაისროლა.

ორივე დაზარალებული მეცხრე საავადმყოფოშია მოთავსებული.

ექიმის თქმით, ორი დაჭრილიდან ერთ-ერთის მდგომარეობა მძიმეა - იგი გულ-მკერდის არეშია დაჭრილი.