„ქართუ ბანკის“ გენერალური დირექტორის ნოდარ ჯავახიშვილის საქმეზე სასამართლო პროცესი სააპელაციო სასამართლოში ჯერ არ ჩანიშნულა.

როგორც „ნიუსპრესს“ ჯავახიშვილმა განუცხადა, გასაჩივრებიდან 48 საათი უკვე გავიდა, თუმცა, სააპელაციო სასამართლოში პროცესის დანიშვნის შესახებ ცნობილი არაფერია.

როგორც „ნიუსპრესს“ ჯავახიშვილის ადვოკატმა პაატა კიკნაველიძემ განუცხადა, აღსანიშნავია, რომ საქალაქო სასამართლოს დადგენილება მათ მხოლოდ გუშინ ჩაბარდათ. დაცვის მხარემ კი იმის გამო, რომ გასაჩივრების ვადა იწურებოდა, სააპელაციო სასამართლოში საჩივარი 11 აგვისტოს შეიტანა.

მისივე განმარტებით, საქალაქო სასამართლო დადგენილებას სააპელაციო სასამართლოსაც გადაუგზავნის და ამის შემდეგ, გაირკვევა როდის დაინიშნება პროცესი.

მისივე ცნობით, სავარაუდოდ, პროცესი დაუსწრებლად, ზეპირი მოსმენით გაიმართება.

თბილისის საქალაქო სასამართლომ 10 აგვისტოს, ნოდარ ჯავახიშვილი „ქართული ოცნებისთვის“ გადარიცხული თანხის ხუთმაგი ოდენობით - 89 000 ლარით დააჯარიმა. ჯავახიშვილის ქონებას და ანგარიშებს ყადაღა ადევს.