პარტია „მრეწველობა გადარჩენს საქართველოს“ წევრმა, პოლიტიკური კოალიცია „ქართული ოცნების“ ფოთის რეგიონალური ოფისის ხელმძღვანელმა, პატიმრობაში მყოფმა ჯემალ მიგინეიშვილმა ადვოკატის მომსახურებაზე უარი განაცხადა.
ამის შესახებ „ნიუსპრესს“ მისმა უფლებადამცველმა, ადვოკატმა ჯუმბერ მილორავამ გამუცხადა.
„მიგინეიშვილთან ვიყავი შესული და მან მითხრა, რომ ადვოკატი არ სჭირდება და სასამართლო პორცესზე საკუთარ უფლებებს თვითონ დაიცავს. არ ვიცი რატომ მიიღო ასეთი გადაწყვეტილება. ის ჩემთან საუბრისას დათრგუნული ჩანდა“ - განაცხადა ადვოკატმა.
მისივე თქმით, მიგინეიშვილის სასამართლო პროცესი საქალაქო სასამართლოში დღეს არის ჩანიშნული. მას ბრალი ამომრჩევლის მოსყიდვის გამო წაუყენეს, რაც ერთ წლამდე თავისუფლების აღკვეთას ითვალისწინებს.
თბილისის საქალაქო სასამართლომ გუშინ „მრეწველობა გადაარჩენს საქართველოს“ ოთხი წევრი პარტიისთვის უკანონო შემოწირულობის განხორციელების გამო, გადარიცხული თანხის ხუთმაგი ოდენობით დააჯარიმა.