,,გუშინ თავად დავუკავშირდი ,,ყასზტრანსგაზის” წარმომადგენლებს, რომ მოსულიყვნენ და კორპუსი შეემოწმებინათ’’-ამის შესახებ იმ კორპუსის სამშენებლო კომპანიის წარმომადგენელმა, გიგა ჭანტურიამ განაცხადა, რომელიც გუშინ საღამოს ბუნებრივი აირის დაგროვების შედეგად აფეთქდა.
მისივე თქმით, გამოძახებიდან 40 წუთის შემდეგ, დაახლოებით 16:00 საათზე „ყაზტრანსგაზის“ წარმომადგენლები ადგილზე გამოცხადდნენ, კორპუსი დაათვალიერეს, და განაცხადეს, რომ ბუნებრივი აირის სუნი მოეჩვენათ ან შესაძლოა, აღნიშნული ერთ-ერთი მოსახლის მიერ სახლში გაზის ბალონის ატანამ გამოწვია.
სამშენებლო კომპანიის წარმომადგენელმა „რუსთავი 2“-თან საუბარში განმარტა, რომ მშენებლობა ყველა წესის დაცვით მიმდინარეობდა და ამის დამადასტურებელი დოკუმენტები გამოძიებას უკვე წარუდგინა. კომპანია მომხდარის შესახებ პასუხისმგებლობას მთლიანად ,,ყაზტრანსგაზს“ აკისრებს.