საქართველოს მთავარი პროკურორი, შალვა თადუმაძე ეუთოს დემოკრატიული ინსტიტუტების და ადამიანის უფლებების ოფისის საარჩევნო სადამკვირვებლო მისიის ხელმძღვანელს გერტ-ჰაინრიხ არენსს შეხვდა.

პროკურატურის პრესსამსახურის ინფორმაციით, შეხვედრას მთავარი პროკურორის მოადგილე გიორგი გაბიტაშვილი, მთავარი პროკურატურის სამართლებრივი უზრუნველყოფის დეპარტამენტის უფროსის მოვალეობის შემსრულებელი ნიკოლოზ ჭინკორაშვილი და ეუთოს სამართლებრივი ექსპერტი ქსენია დაშუტინა ესწრებოდნენ.

შეხვედრაზე მხარეებმა საქართველოს საპრეზიდენტო არჩევნებზე ისაუბრეს, დანაშაულის ფაქტების დაფიქსირების შემთხვევაში კი მჭიდრო კომუნიკაციასა და ინფორმაციის გაცვლაზე შეთანხმდნენ და მომავალში თანამშრომლობის გაგრძელების მზაობა გამოხატეს.