ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის, დავით სერგეენკოს განცხადებით, აუცილებელია, რომ ტყიბულის შახტაში არსებული ვითარება და უსაფრთხეობა ფუნდამენტურად იქნეს შესწავლილი.

მისივე თქმით, საჭიროა, რომ შახტაში არსებული უსაფრთხოებისთვის არსებული აღჭურვილობის სწორად გამოყენება მოხდეს.

„წინა უბედური შემთხვევის დროს, რა თქმა უნდა, ჩვენ შევისწავლეთ და იქ გამოკვეთილი იყო ასეთი სურათი, რომ უსაფრთხოებისთვის საჭირო აღჭურვილობა არსებობდა და იყო მხოლოდ ადამიანური ფაქტორი.
მთავარია, რომ ეს ყველაფერი უნდა იყოს სწორად გამოყენებული. ამ შემთხვევაში მე არ ვიცი რამდენად იყო სწორად დაცული და გამოყენებული.
საკუთრივ კომპანიების მენეჯმენტმა უნდა დაიცვას კანონები, წესები და რეგულაციები, სხვა მხრივ არაფერს აზრი არ აქვს. ის, რაც მოხდა, წარმოუდგენელი ტრაგედიაა. რა თქმა უნდა, სწორია, რომ დაიხურა ეს შახტა. ფუნდამენტურად უნდა იყოს გადახედილი იქაური უსაფრთხოება“- განაცხადა სერგეენკომ.

შეგახსენებთ, რომ ტყიბულის შახტაში ტრაგედიის შედეგად 4 ადამიანი დაიღუპა, 6 კი დაშავდა. საქმეზე მიმდინარეობს გამოძიება.