თადარიგის პოლკოვნიკის, დოდო გუგეშაშვილის სახლში გამოძიებამ მესამე პირის დნმ-ის კვალი აღმოაჩინა.
არსებული ინფორმაციით, შემოწმებულ 80-მდე ადამიანს შორის ეჭვმიტანილი არ არის.
ადვოკატის, გელა ნიკოლეიშვილის განცხადებით, როდესაც იმ ადამიანის პოვნა მოხდება, ვისაც დნმ-ის ანალიზი დაემთხვევა, ეს უტყუარი მტკიცებულება იქნება.

„არის მოსული დასკვნები ექსპერტიზების, დნმ-ის ანალიზი, არის სატელეფონო საუბრების დროის და ადგილის მითითება. დნმ-ის ანალიზი რასაც იძლევა აღმოჩნდა სხვა პიროვნებისაც. როდესაც მოხდება ამ ადამიანის მიგნება და მე იმედი მაქვს, რომ ადრე თუ გვიან ეს მოხდება და დნმ-ს ანალიზი დაემთხვევა, ეს იქნება უკვე უტყუარი მტკიცებულება,“-განაცხადა ადვოკატმა გელა ნიკოლეიშვილმა.
შეგახსენებთ, რომ დოდო გუგეშაშვილს მის საცხოვრებელ სახლში თავს 7 თებერვალს დაესხნენ, რა დროსაც მისი შვილი ნოდარ გუგეშაშვილი გარდაიცვალა, თავად პოლკოვნიკი კი დაიჭრა.