თადარიგის პოლკოვნიკი დოდო გუგეშაშილი რეანომობილით კვლავ ღუდუშაურის საავადმყოფოში დააბრუნეს.
გუგეშაშვილი ძმის სახლში შვილის პანაშვიდზე დაახლოებით 1 საათის განმავლობაში იმყოფებოდა.
პოლკოვნიკი ხვალ შვილის დაკრძალვასაც დაესწრება.
„ქალბატონი დოდო საავადმყოფოში სამკურნალოდ ისევ დაბრუნდება. მისი მდგომარეობა არის სტაბილურად მძიმე, მაგრამ უკეთესობა გვაქვს. ნელ-ნელა მდგომარეობიდან გამოდის. სავარაუდო დამნაშავესთან, ამ საქმესთან დაკავშირებით ყველაზე ჭეშმარიტი და სწორი ინფორმაცია ქალბატონმა დოდომ და საგამოძიებო უწყებებმა იცის“- განაცხადა გუგეშაშვილის მეგობარმა.
შეგახსენებთ, რომ დოდო გუგეშაშვილს შვილის გარდაცვალების ამბავი დღეს უთხრეს და ის ექიმების მეთვალყურეობით ძმის სახლში გადაიყვანეს, სადაც მისი შვილია დასვენებული.
ცნობისთვის, პოლკოვნიკის ოჯახს თავს 7 თებერვალს დაესხნენ, რა დროსაც მისი შვილი, ნოდარ გუგეშაშვილი დაიღუპა.