საქართველოს მთავარი პროკურატურის საზოგადოებასთან ურთიერთობის სამსახურის უფროსის, ნათია სუხიაშილის განცხადებით, მიხეილ სააკაშვილთან დაკავშირებით, რომელიც საქართველოში ძებნილი მსჯავრდებულია, სხვადასხვა ქვეყნის კომპეტენტურ უწყებებთან კომუნიკაცია ხორციელდება.
ამის შესახებ სუხიაშვილმა საქართველოს მესამე პრეზიდენტის უკრაინიდან დეპორტირების თაობაზე საკითხის კომენტირებისას განაცხადა.
„მიხეილ სააკაშვილის სახითხთან დაკავშირებით საქართველოს პროკურატურამ პოლონეთის კომპეტენტურ უწყებებს 2017 წლის აგვისტოში მიმართა, რის შესახებაც პროკურატურამ შესაბამისი ინფორმაცია გაავრცელა. ძებნილ მსჯავრდებულ მიხეილ სააკაშვილთან დაკავშირებით საქართველოს მთავარ პროკურატურას როგორც ყველა სხვა ძებნილი პირის შემთხვევაში კომუნიკაცია აქვს სხვადასხვა ქვეყნის კომპეტენტურ ორგანოებთან და ახორციელებს კანონით გათვალისწინებულ ყველა შესაბამის სამართლებრივ პროცედურას სისხლის სამართლის სფეროში საერთაშორისო თანამშრომლობის ფარგლებში. რაც შეეხება საქმის სხვა დეტალებს სამართლებრივი ინტერესიდან გამომდიბარე ამ ეტაპზე დამატებითი კომენტარი არ გაკეთდება“- განაცხადა სუხიაშვილმა ტელეკომპანია „რუსთავი 2“-თან სატელეფონო საუბრისას.
შეგახსენებთ, რომ სააკაშვილი უკრაინიდან გუშინ გააძევეს.