თადარიგის პოლკოვნიკს, დოდო გუგეშაშვილს პალატაში დღეს საღამოს გადაიყვანენ, ხვალ კი, სავარაუდოდ, სამართლადამცავები დაკითხავენ.
არსებული ინფორმაციით, გუგეშაშვილს ძმის სახლში, სადაც მისი შვილია დასვენებული, რეანომობილით ექიმების მეთვალყურეობის ქვეშ გადაიყვანენ და ის შვილის დაკრძალვას დაესწრება.
„ქალბატონი დოდოს მდგომარეობა სტაბილურია, როგორც ექიმებმა განაცხადეს, ხვალისთვის აპირებენ დრენაჟის ამოღებას. ბავშვზე თქმას რაც შეეხება, ველოდებით, საპატრიარქოდანაც რომ მოვიდეს ვინმე და უთხრას,“-განაცხადა გუგეშაშვილის მეგობარმა, დავით მუხიგულმა.
შეგახსენებთ, რომ დოდო გუგეშაშვილს ღუდუშაურის კლინიკაში გულის არეში გამჭოლი ჭრილობის გამო ოპერაცია ჩაუტარდა. ის მის ოჯახზე თავდასხმისას დაჭრეს. შემთხვევის დროს დაიღუპა მისი შვილი, ნოდარ გუგეშაშვილი.