თადარიგის პოლკოვნიკის, დოდო გუგეშაშვილის ჯანმრთელობის მდგომარეობა კვლავ სტაბილურად მძიმეა.
იგი ამ დრომდე რეანიმაციულ განყოფილებაში იმყოფება.
როგორც ღუდუშაურის კლინიკის ექიმი ნიკა ქარცივაძე აცხადებს, პაციენტის მდგომარეობა უცვლელია და რაიმე გართულება არ ყოფილა.
„მდგომარეობა რჩება კვლავ სტაბილურად მძიმე. ხელოვნურ სუნთქვაზეა პაციენტი, საძილე პრეპარატების გავლენის ქვეშ. ვიტალური მაჩვენებლები სტაბილურია. დღევანდელი დღისთვის რაიმე გართულებას ან ახალ პრობლემას ადგილი არ ქონია. გრძელდება მკურნალობა“- განაცხადა ექიმმა.
შეგახსენებთ, რომ დოდო გუგეშაშვილს, რომელიც მის ოჯახზე თავდასხმის შედეგად გუშინ დაჭრეს, გულის არეში გამჭოლი ჭრილობა ჰქონდა, რის გამოც ოპერაცია ჩაუტარდა.
შემთხვევის დროს მოკლეს მისი 33 წლის შვილი ნოდარ გუგეშაშვილი.